ვებსაიტი

როგორ დავამზადოთ 2500 ლარიანი ვებსაიტი 490 ლარად


პროფესიონალური დონის, პირადი, ან ბიზნეს საიტი იაფად – ყველასთვის ხელმისაწვდომ ფასად.

შენიშვნა: აქ მოცემული რჩევები ემყარება ცოდნაზე დამყარებულ პრაქტიკულ გამოცდილებას, რაც შესაძლებელია გაუგებარი და რთულად რეალიზებადი იყოს დამწყებთათვის. საჭიროა გარკვეული დონის საბაზისო ცოდნა ამ მიმართულებით შედეგის მისაღებად.

გაითვალისწინეთ:  ინტერნეტში იაფად ხარისხიანი პროდუქტის მიღება სავსებით შესაძლებელია. მიუხედავად ამისა, მაინც უნდა გაითვალისწინოთ ალტერნატივა, ანუ უმჯობესი ხომ არ იქნება, გადიხადოთ თანხა პროგრამისტის მომსახურებაში, დასახმარებლად ან ახალი ვერსიის შესაკვეთად. გადაწყვიტეთ ბიზნესის მოთხოვბებიდან და თქვენი კვალიფიკაციის დონიდან გამომდინარე.

ბიზნესის დაწყებისას ხშირ შემთხვევაში ერიდებიან ვებსაიტის შექმნას, სანამ ამის აუცილებლობას არ იგრძნობენ. იმას, თუ რატომ შეიძლება ეს მოსაზრება არასწორი იყოს, სხვა პოსტში განვიხილავთ. მანამდე კი მოგიყვებით თუ როგორ შეგიძლიათ დაამზადოთ ვებსაიტი დაახლოებით 80%-იანი ფასდაკლებით.

ვებსაიტის მუშაობის ეფექტურობა სხვადასხვა საკითხების მოწესრიგებულობით არის განპირობებული, ჩვენ ამ პოსტში მათგან მხოლოდ ძირითადებს განვიხილავთ.

თუ საქმიანობას ქართულ ბაზარზე ახორციელებთ, მაშინ დომენის შემოწმება/შეძენა ამ ბმულზე შეგიძლიათ. ქართული დომენის შეძენა წელიწადში სულ რაღაც 30 ლარი დაგიჯდებათ.

ხოლო თუ სხვა ქვეყნის ბაზარზე გადიხართ, გირჩევთ  შეიძინოთ .com და ქვეყნის შესაბამისი დაბოლოებით. უცხოური დომენის შემოწმება/შეძენა ამ ბმულზე შეგიძლიათ. სხვა ქვეყნის ბაზრებზე გასვლის  შესახებ სხვა პოსტებში ვისაუბრებთ.

აუცილებლად დაგჭირდებათ ჰოსტინგი. რადგან ქართულ ბაზარზე აპირებთ მუშაობას, სისწრაფის გამო, ქართული ჰოსტინგის შეძენას გირჩევთ. ეს კი წელიწადში მინიმუმ 36-60 ლარი დაგიჯდებათ.

ეს ორი რამ უკვე მოგცემთ საშუალებას შექმნათ და ისარგებლოთ კორპორატიული ელ.ფოსტით. ალბათ დამეთანხმებით, რომ სავიზიტო ბარათზე თქვენი დომენით დაბოლოებული ფოსტა უფრო მეტად დაგეხმარებათ პროდუქტის გაყიდვაში და ბრენდის წარმოჩენაში, ვიდრე gmail.com

მაშ ასე, თქვენ გაქვთ ყველაფერი, რათა თემის შექმნას შეუდგეთ. მაგრამ როგორ? მუშაობის ამეტაპზე შეგვიძლია ორი ვარიანტი გამოვყოთ:

  1. შევუკვეთოთ. ანუ ჩავრთოთ ამ საქმეში თქვენი ან მომსახურე კომპანიის დიზაინერები, პროგრამისტები, კონტენტ მენეჯერები და ა.შ (ხშირ შემთხვევაში ამ ყველაფერს 1-2 ადამიანი აკეთებს) რაც საშუალო დონის ვებსაიტის შესაქმნელად დაახლოებით  2500 ლარი დაგიჯდებათ. რა თქმა უნდა გააჩნია ვის შეუკვეთავთ და რამდენად პრეტენზიული ბრძანდებით.
  2. მეორე, ეკონომიურ ვარიანტს რაც შეეხება, მინდა გიამბოთ ჩემი გამოცდილების შესახებ, რომელსაც დიდი ხანია წარმატებით ვიყენებ.

მას მერე რაც გარკვეული პროექტებით დავიტანჯე, დავუსვი საკუთარ თავს შეკითხვა: “რატომ უნდა გადავიხადო მეტი, ველოდო, ვინერვიულო, სანამ რაც მინდა იმას მიიღებ, როდესაც შემიძლია მზა, პროფესიონალური დონის თემის შეძენა?”.

ჩემი გამოცდილებიდან გამომდინარე, თემა რომელიც $18-$64 ღირს Themeforest-ზე, მსგავსის შეკვეთა მინიმუმ 10-ჯერ მეტი თანხა და ენერგია დაგიჯდებათ, ვიდრე Themeforest-ზე შეძენისას გადაიხდით. საიტი იაფად, ანუ რატომ ვიხდით ასე ცოტას? იმიტომ, რომ თქვენ ამ თემის ერთადერთი მყიდველი არ იქნებით. მაგალითად, ყველაზე პოპულალური თემა ამ საიტზე, რომელიც $60 ღირს, გაყიდულია 273,288-ჯერ. დანარჩენი თავად იანგარიშეთ…

რა თქმა უნდა ყველაფერი არც ისე ადვილია, როგორც ერთი წაკითხვით შეიძლება მოგეჩვენოთ. შერჩევას დრო ჭირდება და შეძენას გამართლება. ხოლო შემდეგ საჭიროა თქვენი მოთხოვნების შესაბამისად მორგება.

თუ რამე განსაკუთრებულს არ გეგმავთ, შეიძლება პროგრამისტის მცირედი დახმარებაც საკმარისი იყოს, რაც სავარაუდოდ 250 ლარი დაგიჯდებათ.

მოდით შევაჯამოთ დანახარჯები:

30 (დომენი) + 60 (ჰოსტინგი) + 150 (თემა) + 250 (პროგრამისტი) = 490 ლარი 

ფიქრობ რომ ეს პოსტი სასარგებლო იყო შენთვის? მაშინ გაუზიარე მეგობრებს და დაგვიტოვე შენი აზრი კომენტარებში!

ციფრული გარდაქმნა - გიორგი კორძახია

გაიგე როგორ გაყიდო მეტი, ნაკლები დანახარჯებით!

🔥 დავიწყოთ!
CRM
რისი გაკეთება შეიძლება ახლავე, საიტზე გაყიდვების გასაზრდელად?
ვებსაიტი
გვჭირდება თუ არა SSL სერტიფიკატი?
გაყიდვები
კვლევის შედეგები ⬆ რა იქნება ტრენდული 2019 წელს?
There are currently no comments.